بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں ھژدہ نومبر ءِ سھب ءِ ادار دہ ءَ کیچ ءِ ھند بالگتر آسانک کنڈگ ءَ زورگریں پاکستانی پوج ءِ کاروان ءِ پھازداری کنوکیں کارمندانی سر ءَ سنگر گپتگ ءُ گوں نوکین ءُ ٹوھیں سلاھاں اُرش کرتگ۔ چہ ایشی آسر ءَ پاکستانی پوج ءَ جانی ءُ مالی تاوان داتگ۔
آئی گوشتگ کہ دومی کاروائی ءَ ھژدہ نومبر ءِ شپ ءَ بی ایل ایپ ءِ سرمچاراں آواران ءِ ھند بزداد وھلی ڈل ءَ جتگیں یوپون شرکت ءِ موبائل ٹاور تراکناکیں شورہ بستگ ءُ تراکینتگ کہ ٹاور سرجم ءَ تباہ بوتگ۔
میجر گھرام بلوچ ءَ دوئیں اُرشانی زمہ واری من اِتگ ءُ گوشتگ کہ اے کول ءَ کن ایں کہ داں بلوچستان ءِ آجوئی ءَ مئے کاروائی گوں ترندی ءَ برجاہ بنت۔
