بلوچ لبریشن آرمی (بی ایل اے) ءِ جارکش جیئند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں بلیدہ ءُ مستونگ ءَ دو جتائیں اُرشاں پاکستانی پوج نشانگ کرتگ ءُ تاوان داتگ۔
آئی گوشتگ کہ کیچ ءِ ھند بلیدہ گلی ءَ مرچی بی ایل اے ءِ سرمچاراں زورگریں پاکستانی پوج ءِ پیادگیں کارمند ھما وھد ءَ نشانگ کرتگ اَنت کہ آپہ زورگریں پاکستانی پوج ءِ کاروان ءِ پھازداری ءَ بوتگ اَنت۔ اُرش ءِ آسر ءَ پاکستانی پوج ءِ یک کارمندے جاھی مرتگ ءُ یکے ءَ ٹپی بوتگ۔
آئی گوشتگ کہ بی ایل اے ءِ سرمچاراں سے شمبے ءِ شپ ءَ مستونگ شھر ءَ برجائیں پاکستانی پوج ءِ ٹوھیں بنجل ءِ سر ءَ گرنیڈ لانچر ءِ گولا آس داتگ ءُ دژمن ءِ سنگر نشانگ کرتگ اَنت۔ اُرش ءِ آسر ءَ زورگریں پوج ءَ جانی ءُ مالی تاوان بوتگ۔
جیئند بلوچ ءَ درشان ءِ گڈی ءَ دوئیں ارشانی زمہ واری من اِتگ۔
