شال: وائس پار بلوچ مسنگ پرسنز ءِ چیرمین نسراللہ بلوچ ءَ وتی شنگ کرتگیں درشانے ءَ گوشتگ کہ زوربیگواھیں شپیک اھمد ءِ کھول ءَ گوں وی بی ایم پی ءَ رھوت کرتگءُ آئی بیگواھی ءِ کیس یاداشت کرتگ۔
آئی گوشتگ کہ کھول ءِ گوشگ اِنت شپیک اھمد ء نور مھمد گدر سوراب ءِ جاہمنند اِنت ءُ یک نودربرے پاکستانی پوج ءَ 5 نومبر ءِ سھب ءِ دہ ءَ چہ شال کلی بھرامزئی بروری دگ ءَ آوار جتگ ءُ بیگواہ کرتگ۔
آئی گوشتگ کہ آئی زوریں بیگواھی ءَ پد کھول ءَ ھچ وڑیں سرپدی دیگ نہ بوتگ کہ چہ آئی بیگواھی ءَ کھول سسائی جنجالانی دیمپان اِنت۔
نسراللہ بلوچ ءَ گوشتگ کہ شپیک اھمد ءِ کھول دلجمی داتگ کہ چہ گل ءِ پارست ءَ آئی کیس پہ انساپ ءَ جوڑ کنگ بوتگیں کمیشن ءَ برگ بیت ءُ پہ آئی آجوئی ءَ ھمک جاہ ءَ توار چست کن ایں۔
