پاکستانی پوج ءِ دست ءَ زور بیگواھیں سلمان بلوچ ءِ کھول ءَ وتی شنگ کرتگیں جارے ءَ گوشتگ کہ سلمان بلوچ ءِ زوریں بیگواھی ءِ سے سال سرجم بوگءَ چہ آئی کھول ءِ نیمگ ءَ 8 نومبر ءَ بیگاہ ءِ سے ءَ ھزدار ءَ چہ شھید پروپیسر ابدلرزاک چاراہ ءَ روانکے کشگ بیت ءُ ایکس ءَ تکشامے برجم دارگ بیت۔
آئی ءَ گوشتگ کہ سلمان بلوچ 13 نومبر 2022 ءَ چہ شال ءَ بیگواہ کنگ بیتگ کہ انگت ءَ بیگواہ اِنت۔
کھول ءَ گوں ھزدار ءِ سیاسی ءُ چاگردی کارکن، نودربر، وکیل ءُ اھوالکار ءَ ھوار ھمک بھرگاں سیادی داروکیں مردماں لوٹ کرتگ کہ آ روانک ءَ ھوار بہ بنتءُ پہ سلمان بلوچ ءِ آجوئی ءَ توار چست بہ کن اَنت۔
