بلوچ لبریشن آرمی ( بی ایل اے ) ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کلات ءُ کیچ ءَ بمب ارشاں زورگریں پاکستانی پوج نشانگ کرتگ ءُ جانی تاوان داتگ۔
آئی ءَ گوشتگ کہ بی ایل اے ءِ سرمچاراں کلات ءِ ھند گراپ ءَ زورگریں پاکستانی پوج ءِ پیادگ ءَ روکیں کارمند ھما وھد ءَ گوں چیر کرتگیں شورھاں نشانگ کرتگ اَنت کہ آ پہ وتی چوکی ءَ راشن برگ ءِ جھد ءَ بیتگ اَنت۔ تراک ءِ آسر ءَ زورگریں پوج ءِ دو کارمند جاھی مرتگ ءُ یکے ٹپی بیتگ۔
آئی ءَ گوشتگ کہ گوستگیں روچ ءَ بی ایل اے ءِ سرمچاراں کیچ ءِ ھند گورکوپ ءَ میانی کلگ ءَ زورگریں پاکستانی پوج ءِ راھچاریں بمب پٹوکیں پیادگیں کارمند گوں چیر کرتگیں شورھاں نشانگ کرتگ اَنت، ایشی آسر ءَ یک کارمندے جاھی مرتگ ءُ دگہ یکے سکا ٹپی بیتگ۔
جیھند بلوچ ءَ درشان ءِ گڈی ءَ دوئیں کاروائیانی زمہ واری من اتگ۔
