وائس پار بلوچ مسنگ پرسنز ( وی بی ایم پی ) ءِ برجاھیں زھرشان گدان ءَ 5969 روچ سرجم بوتگ مرچی گدان ءَ گل ءِ ایگزیکٹو کمیٹی ءِ کارکن نیاز مھمد ساڑی بوتگ۔
وی بی ایم پی ءِ چیرمین نسراللہ بلوچ ءَ گوشتگ کہ چہ جناہ دگ شال ءَ 27 اگست 2025 ءَ آوار جنگ بوتگیں ساکب بزدار آجو بوتگ۔
آئی گوشتگ کہ ساکب بزدار ءِ کیس پہ زوربیگواھیں مردماں جوڑ کنگ بوتگیں کمیشن ءُ سرکار ءِ کر ءَ یاد داشت کرتگ 9 اکتوبر ءَ کمیشن ءَ اے کیس ءِ سر ءَ کار بندات کرتگ ۔
نسراللہ بلوچ ءَ گوشتگ کہ ساکب بزدار ءِ آجوئی یک شریں گامگیجے، انگت ھم سک باز بیگواھیں بلوچانی کھول پہ وتی آزیزانی واتری ءَ ودار ءَ اَنت ۔
آئی گوں سرکار ءُ آدگہ ادارھاں لوٹ کرتگ کہ درستیں بیگواھیں مردم آجو کنگ بہ بنت ءُ زوریں بیگواھی ءِ درچ بند کنگ بہ بیت۔
نسراللہ بلوچ ءَ گوشتگ کہ وی بی ایم پی پہ زوربیگواھیں مردمانی کھولاں گوں پرایمنی ءَ کانود ءِ رد ءَ توار چست کنت ءُ پہ آیاں آئین ءُ انسانی ھکانی مانزمانی ءِ لوٹ ءَ کنت۔
