یونائیٹڈ بلوچ آرمی ءِ جارکش مزار بلوچ ءَ وتی شنگ کرتگیں درشانے ءَ گوشتگ کہ سرمچاراں 14 اکتوبر ءِ شپ ءَ ڈاڈر ءِ ھند سیوری ءَ ریاستی چریک پاندی مری ء تور ھان مری تر ءُ گرد ءِ میان ءَ دزگیر کرتگ کہ آ بلوچ آجوئی لوٹوکانی چاریگی ءُ بلوچ چکچینی ءِ جتائیں کاراں ھوار بوتگ۔
آئی گوشتگ کہ جست ءُ پرس ءِ میان ءَ آئی درسیں میار من اِتگ ءُ ڈاڈر ءِ جتائیں ھنداں وتی کار ءُ ریاستی چریکانی نام داتگ اَنت۔ چہ ایشی ءَ پد بلوچ راجی آمیدگس ءَ درسیں میارانی پیش کنگ ءَ پد پاندی مری ء تور ھان ءَ مرگ ءِ سزا داتگ کہ سرمچاراں آئی سر ءَ کار کرتگ ءُ ریاستی چریک کشتگ۔
آئی گوشتگ کہ ما اے وڑیں چریکاں گوں ترندی ءَ کڈن کن ایں کہ آ زورگریں ریاست ءِ چریک ءُ پوج ءِ بنجل ءُ درسیں ادارھاں وت ءَ دور بہ دار اَنت۔ اگاں نہ گڑا وتی جان ءُ مال ءِ زمہ وار وت بہ بنت۔
مزار بلوچ ءَ گڈی ءَ گوشتگ کہ مارا اے وڑیں درسیں کارمندانی بابت ءَ سرپدی ھست کہ ریاست ءَ کمک ءَ کنگ ءَ اَنت۔ آ مئے سرمچارانی نشانگ ءَ اَنت ءُ پہ راجی میارباراں نرمی کنگ نہ بیت، مئے اُرش داں بلوچستان ءِ آجوئی ءَ برجاہ بنت۔
