پسنی: آپ ءِ نیستی ءِ بگیری ءَ آل پارٹیز ءِ جار ءِ پد ءَ شھر ءَ تھتگ بند ءُ دگ بند ھرتال ءِ ھواری ءَ پسنی ءِ زیروپوائنٹ ءَ مکران شھدگ بند کنگ بوتگ۔
پسنی ءَ دگ ءِ بند بوگ ء سوب ءَ گْوادر، تربت، کراچی ءُ ھورماڑہ ءَ گاڑیانی روگ ءُ آھگ بند بوتگ ءُ مساپر سکا جنجالانی دیمپان بوتگ اَنت۔
آپ ءِ نیستی ءِ بگیری ءَ زی مردماں واکدار ءِ کارگس ءِ دیم ءَ زھرشانی کرتگ بلے آیانی لوٹ منگ نہ بوتگ اَنت، مرچی پد ءَ زھرشانی کنگ بوتگ۔
