پنجگور: پاکستانی پوج ءَ چہ جتکان بازار ءَ پرھان بلوچ ءُ ارپان بلوچ نامیں دو نودربر آوار جتگ ءُ بیگواہ کرتگ۔
بی این ایم ءِ انسانی ھکانی ادارہ پانک ءِ گوشگ اِنت کہ پرھان بلوچ ءُ ارپان بلوچ ء مراد الی پنجگور ءِ ھند چتکان ءِ جاہ منند اَنت پاکستانی پوج ءَ یازدہ اکتوبر ءَ چہ چتکان ءِ کلم چاراہ ءَ آوار جتگ ءُ بیگواہ کرتگ اَنت۔
ھمے وڑ ءَ کلات ءِ ھند چہ کوھنگ ءَ پاکستانی پوج ءَ مستونگ ءِ جھمنندیں ورنایے آوار جتگ ءُ بیگواہ کرتگ۔
اھوالکار ءِ رد ءَ بیگواہ کرتگیں ورنا ءِ نام ابدُل ناسر ء ابدُلھالک اِنت کہ مستونگ ءِ ھند کڈ کوچگ ءِ جھمنند اِنت ءُ کلات ءَ مزدوری ءَ بوتگ۔ یازدہ اکتوبر 2025 ءَ آ سھب ءِ نماز ءِ وانگ ءَ روگ ءَ بوتگ کہ پاکستانی پوج ءَ آوار جتگ۔
