تربت: دشت ءِ زمیاد گاڑی واھنداں کیچ دمگدار ءِ کارگس ءِ دیم ءَ زھرشانی ءَ دگ بند کرتگ۔ چہ دگ ءِ بند بوگ ءِ سوب ءَ وانگجاہ آدگہ جاھانی گاڑی پہ روگ ءُ آھگ ءَ اوشتاتگ اَنت مردم سکا جنجال اَنت
زھرشانی کنوکیں مردمانی گوشگ اِنت کہ دو ماہ بیت مئے گاڑیاں سیمسر ءَ روگ ءَ نیلگ ءَ اَنت چہ ایشی ءَ مردم بے روزگار اَنت ءُ ما سکا جنجالانی دیمپان ایں۔
آیانی گوشگ اِنت کہ ما چہ بے روزگاری ءَ تنگ بوتگ ءُ زھرشانی کنگ ءَ ایں اگاں مئے لوٹ منگ نہ بوتگ اَنت سیمسر ءَ مئے گاڑی دارگ بوت اَنت گڑا ما لاچاریں کہ وتی زھرشانی ءَ دراجکش بہ کن ایں۔
