پشتون تھپز موومنٹ ءِ سروک منزور پشتین ءَ گوشتگ کہ پنجاپی پوج ءَ مرچی یکبرے پد ءَ پکتون سرڈگار ءِ وای تیرہ ءِ میتگ شڈلو متری، ھیبر ءَ بے میاریں پکتون آبادی ءِ سر ءَ بمبگواری کرتگ۔ چہ ایشی ءَ دو گس سرجم ءَ تباہ بوتگ ءُ داں انوں 23 پکتون زھگ ءُ جنین شھید بوتگ ءُ آدگہ مردم چیر تر اِتگ اَنت کہ آ درکنگ بوگ ءَ اَنت۔
آئی گوشتگ کہ پنجاپیانی زوراکی چہ اوپار ءَ گوستگ۔ یک نیمگے آ بمبگواری کنگ ءُ ناشرکاری ءِ نام دیگ ءُ بے میاریں پکتوانانی چکچینی ءَ کنگ ءَ اَنت ءُ دومی نیمگ ءَ پکتونواہ ءِ مڈیاں پوج ءِ زور ءِ سر ءَ لٹ ءُ پل کنگ ءَ اَنت۔ پکتوانواہ ءِ ڈیمانی لین ءِ مزنیں ھیڈکوارٹر لاھور ءَ جوڑ کنگ بوتگ ءُ پنجاپی ھمنچو زوراکی کنگ ءَ اِنت کہ پکتونواہ ءِ مھلوکءَ گلہ ھم بھا دیگ ءَ نہ اَنت۔
آئی گوشتگ کہ پی ٹی ایم ءِ زمہ وار تیراہ ءَ دیم دیگ بوتگ اَنت انگت چیر تر اِتگیں لاشاں ددرکنگ ءَ اَنت۔ چہ دمگ ءِ مردمانی سر ءُ سوج ءَ پد پی ٹی ایم گوں آیاں ھر وڑیں گھگیری ءَ ھمراھداری کنت۔ ما گوں درسیں پشتوناں گیشتر نودربراں یکجاہ بوگ ءُ اے زوراکی ءِ بگیریءَ توار چست کنگ ءِ لوٹ ءَ کن ایں۔
