کیچ ءِ ھند زامران ءَ پاکستانی پوج ءَ ھبیب بلوچ نامیں ورنایے آوار جتگ ءُ بیگواہ کرتگ۔
زرمبش جھگیر ءِ رد ءَ زور بیگواھیں ھبیب بلوچ ء سید جان زامران ءِ میتگ کلدر ءِ جاہ منند اِنت کہ پاکستانی پوج ءَ چہ آئی جند ءِ میتگ کلدر ءَ پیری آوار جتگ ءُ بیگواہ کرتگ۔
چوش کہ 7ستمبر 2025 ءَ ھم پاکستانی پوج ءَ چہ زامران ءِ ھند نوانو ءَ چار مردم آوار جتگ ءُ بیگواہ کرتگ اَت کہ آیانی نام مھران ء شے کلندر ، جیئند ء مھم جان ،الی ء نسرت ءُ ارشاد ء رھیم بلوچ انت۔
