بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں کوھلو، ھاران ءُ اورناچ ءَ پاکستانی پوج ءِ چیردستی ءَ کار کنوکیں کشندہ ٹولی ءِ کارمندانی سر ءَ اُرش کرتگ ءُ ھپت کارمند کشتگ ءُ یکے گوں سلاھاں دزگیر کرتگ۔ جاھو ءَ دگ کار کنوکیں شرکت ءِ مشین ءُ سامان مانداشتگ اَنت۔
آئی گوشتگ کہ ھشت ستمبر ءِ شپ ءَ کوھلو ءِ ھند راسے زھی ءَ ادار یازدہ ءَ سرمچارں ایم آئی ءِ کارمنداسمان لوھارانی ءِ گس انگر کرتگ ءُ آ کڈن کرتگ کہ سلاھاں چگل بدے، بلے آئی گھگیری کنگ ءِ جھد کرتگ چہ ایشی ءَ سرمچاراں نشانگ کرتگ ءُ کشتگ۔
آئی گوشتگ کہ اسمان ء رسول بکش لوھارانی گوستگیں دہ سال اِنت کہ زورگریں پاکستانی پوج ءَ نہ تھنا کمکاری ءَ بوتگ بلکیں بلوچ راجی زرمبشت ءِ بگیری ءَ کاراں ھوار بوتگ۔ آئی دوئیں زھگ ھمے کارانی بھر بوتگ اَنت۔ آئی زھگ ھان مھمد ءُ مھمد ولی چمالنگ ءُ کش ءُ پھناتانی ھنداں مردمانی چاریگی ءُ سرمچارانی بگیری ءَ کار ءَ بوتگ اَنت۔
آئی گوشتگ کہ گل ءِ نیمگ ءَ اسمان لوھارانی مدام بھتامانی راست بیگ ءِ سر ءَ کڈن کرتگ ءُ آئی ءَ وتی بے میاری پدّر کنگ ءِ موہ داتگ بلے آئی اے کلوہ دلگوش نہ داتگ ءُ زرمبشت ءِ بگیری ءَ وتی کار گیش کرتگ اَنت۔ انوں آ شھید ھیدر الی ٹھینگانی ءِ زوریں بیگواھی ءُ شھید کنگ ءَ ھوار بوتگ۔
آئی گوشتگ کہ نھ ستمبر ءِ شپ ءَ بی ایل ایپ ءِ سرمچاراں شپ ءِ ادار 10 داں 12 ءَ چہ آواران ءَ بیلہ ءَ روکیں شھدگ ارہ انگریز کنڈگ ءَ بستگ ءُ پٹ ءُ پول کرتگ۔ اے میان ءَ زورگریں پوج ءَ چہ دور ءَ مارٹر گولا آس داتگ بلے نزیک ءَ آیگ ءَ ترس اِتگ۔ ھمے ھند ءَ سرمچارانی یک دگہ ٹولی یے ءَ دگ جوڑ کنوکیں بندساچی شرکت ءِ مشین ءُ سامان مانداشتگ اَنت۔ کاروائی ءِ وھد ءَ مزدور دزگیر کرتگ ءُ جست ءُ پرس کنگ ءَ پد انسانیت ءِ بنیاد ءَ یل داتگ اَنت۔
جارکش ءَ گوشتگ کہ یازدہ ستمبر ءِ روچ ءِ ادار یازدہ ءَ بی ایل ایپ ءِ سرمچاراں گل ءِ چیریں بھرگ ءِ ھال دیگ ءِ بنیاد ءَ کاروائی کرتگ ءُ ھزدار ءِ ھند اورناچ بازار ءَ کشندہ ٹولی ءِ کارمند میر الاھی بکش سمالانی ء جان مھمد جھمنند یک تنگی اورناچ دزگیر کرتگ۔ آ اے وھد ءَ گل ءِ جست پرسی ٹولی ءِ دست ءَ اِنت جست ءُ پرس ءِ سرجم بوگ ءَ پد گل ءِ پیسلہ ءِ سر ءَ گامگیج زورگ بیت۔
جارکش ءَ گوشتگ کہ دہ ستمبر ءِ سھب ءِ ادار شش ءَ بی ایل ایپ ءِ سرمچاراں ھاران ءِ ھند تازینہ ھوک آپ ءَ چیریں کاروائی ءِ پژدر ءَ کشندہ ٹولی ءِ کارکن جنگی ھان ءِ بندر انگر کرتگ ءُ آ سلاہ چگل دیگ ءِ گوشتگ بلے آئی سرمچارانی سر ءَ اُرش کنگ ءِ جھد کرتگ۔ پسھی کاروائی ءَ کشندہ ٹولی ءِ سے کارمند جاھی مرتگ کہ آیانی تہ ءَ جنگی ھان، سنااللہ ءُ ھسرت ھوار اَنت۔ ھمے وھد ءَ کشندہ ٹولی ءِ یک دگہ کارمندے ءَ چہ نزیک ءِ کوہ ءَ سرمچارانی سر ءَ اُرش کرتگ بلے اسنائپر ٹولی ءِ پہ وھد کاروائی ءَ آ زوت نشانگ کرتگ ءُ کشتگ کہ آئی نام سید ھان اِنت۔
آئی گوشتگ کہ کاروائی ءِ سرجم کنگ ءَ پد سرمچاراں چہ بندر ءَ سلاہ ءُ آدگہ سامان دستیگ کرتگ اَنت۔
آئی گوشتگ چوش کہ جنگی ھان پنام جنگو ء نیک مھمد زورگریں پوج ءِ چیردستی ءَ کشندہ ٹولی ءِ سروکی ءَ کنگ ءَ بوتگ۔ آ گوستگیں باز وھد اِنت کہ ھاران ءُ کلات ءِ کوھی دمگاں بلوچ سرمچارانی بگیری ءَ کار ءَ بوتگ۔ بلوچستان لبریشن پرنٹ ءِ سرمچار زاھد سمالانی پنام میرل ءِ شھیدی ءَ ھم ایشی ٹولی تچک ءَ ھوار بوتگ۔
آئی گوشتگ کہ بیڑ برگ ءِ وھد ءَ ھمے ھنداں سرمچاراں چار مردم دزگیر کرتگ آ بلوچ زرمبشت ءِ بگیریں کاراں ھوار نہ بوتگ اَنت ءُ یل داتگ اَنت۔
میجر گھرام ءَ کوھلو، ھاران، اورناچ ءُ جاھو اُرشانی زمہ واری من اِتگ ءُ گوشتگ کہ ما چہ رسانکدر ءِ کمک ءَ زورگریں پوج ءِ کمکاراں ھوار کشندہ ٹولی ءِ کارمنداں کڈن کن ایں کہ انگت پہ ماپ کنگ ءِ گنجاھشت ھست۔ اگاں آ بلوچ بگیریں کاراں دزکش بہ بنت۔ گڑا چو سرجمیں بلوچستانءِ دژمنیں توانمندانی وڑ ءَ نشانگ کنگ بنت۔
