چہ سند ءِ شھر ٹنڈو جام ءُ آواران ءِ ھند مشکے ءَ پاکستانی پوج ءِ دست ءَ یازدہ مردم آوار جنگ ءُ بیگواہ کنگ بیتگ۔
زرمبش جھگیر ءِ در ءَ پاکستانی پوج ءَ مشکے ءِ میتگ اوگار ءَ پیری ھپت مردم آوار جتگ ءُ بیگواہ کرتگ۔ بیگواھیں مردمانی نام ھپیز ء امام بکش ، ھزور ء دادل، سلیم ء مھمد، الیم ء سلیم، سمد ء کریم بکش ءُ باران ء جمال ءُ ٹھیکدار شکیل بلوچ اِنت کہ زاھد آباد ءِ جاہ منند اَنت۔
ھمے وڑ ءَ چہ سند ءِ شھر ٹنڈو جام ءَ بلوچستان ءِ جاہ منندیں چار ورنا آوار جنگ ءُ بیگواہ کنگ بیتگ ۔ بیگواھیں نودربر امران بلوچ ء سیپ اللہ، آپتاب بلوچ ء گلام مستپا ءُ مھر اللہ بلوچ ء مھمد کاسم وڈ ءِ جاہ منند اَنت ءُ شئیب بلوچ ء ابدالھی سوراب ءِ جاہ منند اِنت۔ اے چاریں ورنا چہ سند ایگریکلچر یونیورسٹی ءِ ھاسٹل ءَ آوار جنگ ءُ بیگواہ کنگ بیتگ اَنت۔
