بلوچ ریپبلکن گارڈز( بی آر جی ) ءِ جارکش دوستین بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ دوشی بی آر جی ءِ سرمچاراں شال ءِ نزیک ءَ مستونگ ءِ ھند دشت ءَ شال ءُ سبی ءَ روکیں شھدگ داں باز اداراں بستگ ءُ گاڑی پٹ ءُ پول کرتگ اَنت۔
آئی ءَ گوشتگ کہ ھمے وڑ ءَ سرمچاراں سبی ءِ ھند مٹھڑی ءَ زورگریں پاکستانی پوج ءِ یک چوکی یے گوں نوک ءُ مزنیں سلاھاں نشانگ کرتگ۔ ارش ءَ زورگریں پاکستانی پوج ءَ جانی ءُ مالی تاوان بیتگ۔
دوستیں بلوچ ءَ دوئیں ارشانی زمہ واری من اتگ ءُ گوشتگ کہ مئے اے وڑیں کاروائی داں بلوچستان ءِ آجوئی ءَ برجاہ بنت۔
