بلوچ لبریشن آرمی (بی ایل اے) ءِ جارکش آزاد بلوچ ءَ گوشتگ کہ 17 اگست ءَ مئے سرمچاراں ھرنائی ءِ ھند زرگون گر ءَ تیرگواری کرتگ کشندہ ٹولی ءِ کارمند نوراللہ دومڑ ء ابراھیم دومڑ کشتگ۔
آئی ءَ گوشتگ کہ نوراللہ دومڑ زورگریں پاکستانی پوج ءُ چیریں اداراھانی چیردستی ءَ بلوچ ورنایانی زوریں بیگواھی ءُ لشکرکشی ءَ ھم ءَ ھوار بوتگ۔
آئی ءَ گوشتگ کہ ھرنائی ءَ نوراللہ ءِ وڑیں آدگہ کشندہ ٹولی ءِ کارمند ھم مئے نشانگ ءَ اَنت آ زوت وتی گڈی آسر ءَ سر کنگ بنت۔
آئی گوشتگ کہ 13 اگست ءَ مئے سرمچاراں ھرنائی ءِ ھند کوست ءَ پوج ءِ سر ءَ گوں نوکیں سلاھاں اُرش کرتگ اُرش ءَ پوج ءِ دو کارمند مرتگ۔
آزاد بلوچ ءَ دوئیں اُرشانی زمہ واری من اتگ۔
