پلستین : گزہ ءَ چہ اسرائیلی پوجءِ ارش ءُ شد ءَ زھگاں ھوار پنجاہ ءُ نُھ مردم مرتگ۔
جھانی رسانکدر ءِ رد ءَ زرباری گزہ ءِ شھر ھان یونس ءَ اسرائیل ءَ بےگسیں مردمانی گدان نشانگ کرتگ اَنت کہ چہ ایشی آسر ءَ شش زھگاں ھوار شانزدہ مردم مرتگ۔
چہ ایشی ءَ ابید گزہ ءَ مگازی باھوٹیانی گدان ءَ ڈرون ارش ءَ دو پلستینی مرتگ۔
جاندراھی تک ءِ رد ءَ چہ بے وردنی ءِ سوبءَ ھشت پلستینی مرتگ کہ آیانی تہ ءَ دو زھگ ھوار اِنت۔ داں انوں شُد ءَ مرتگیں مردمانی کچ 281 ءَ سر بیتگ کہ آیانی تہ ءَ 114ھوار اِنت۔
