کیچ ءُ دالبندین ءَ سلاہ بندیں مردماں پاکستانی پوج ءِ راشن، مادن بروکیں گاڑی ءُ ٹاور ءِ سر ءَ اُرش کرتگ۔
اھوالکار ءِ رد ءَ سلاہ بندیں مردماں کیچ ءِ ھند بلیدہ ءَ پہ پاکستانی پوج ءَ راشن بروکیں گاڑی ءِ سر ءَ اُرش کرتگ۔ اُرش ءِ آسر ءَ گاڑی تباہ بوتگ ءُ راشن سرجم ءَ ستکگ اَنت۔
ھمے وڑ ءَ سلاہ بندیں مردماں دشت سُلائی ءَ دگ بندی ءَ پد یوپون شرکت ءِ موبائل ٹاور گوں تراکناکیں شورھاں نشانگ کرتگ ءُ مشین سامان تاوان داتگ اَنت۔
دومی نیمگ ءَ چاگے ءِ ھند دالبندین ءَ سلاہ بندیں مردماں مادن بروکیں دو گاڑی مانداشتگ۔ انگت دگہ جانی تاوان ءِ ھال نیست۔
اُرشانی زمہ واری انگت ھچ گل ءَ بہ زرتگ۔
