کیچ: بلوچی زبان ءِ نامداریں ازمکار زھور پزل ءِ نوکیں تامر سیمسر زوت شنگ بوگ ءَ اِنت۔
اے بابت ءَ زھور پزلءَ وتی شنگ کرتگیں جارے ءَ گوشتگ کہ مئے نوکیں تامر سیمسر یک ستمبر 2025 ءَ بیگاہءِ پنچ ءَ چہ زیردان یوٹوب چینل ءَ شنگ ءُ تالان بیت۔
آئی ءَ چہ مردماں لوٹ کرتگ کہ تامر ءَ بہ چار ات ءُ وتی مھر ءُ دلبڈیاں برجاہ بدار اِت ءُ تامر ءِ شری ءُ نزوریانی سر ءَ وتی ھیالاں درشان بہ کن اِت۔ اگاں شما کہ مئے نزوریاں پیش دار اِت گڑا سنگت دیمترءَ شوکیں وڑے ءَ کار کرت کن اَنت۔
چو کہ زھور پزل چہ 2004 ءَ بلوچی تامرانی سر ءَ کار کنگ ءَ اِنت اے وھد ءَ آئی ءِ تامر دلریش، جورکان، واھشت، زندمان، پنت، جنگی ءُ لولان ءَ ھوار چاردہ تامر شنگ بیتگ۔ آئی تامر جوانیں وڑے ءَ چارگ ءُ دوست دارگ بیتگ اَنت۔
