بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی یل اے ءِ سرمچاراں پنجگور ءَ ارشے ءَ زورگریں پاکستانی پوج ءُ چیریں ادارھانی جوڑ کرتگیں وتگڑیں کشندہ ٹولی ءِ چار کارمندکشتگ۔
آئی ءَ گوشتگ کہ بی ایل اے ءِ سرمچاراں سے شمبے ءِ شپ ءَ پنجگور ءِ ھند سوردو ءَ بیڑ برتگ ءُ کشندہ ٹولی ءِ سروک گلام سرورءَ ھوار اسلام ء گلام سرور، نزامء گلام سرور جاہ منند پنجگور ءُ ھبیب اللہ ء شاہ مھمد جاہ منند گریشگ کشتگ۔
جارکش ءَ گوشتگ کہ گلام سرورزورگریں پوج ءِ سروکی ءَ وتگڑیں کشندہ ٹولی جوڑکرتگ ءُ آئی سروکی ءَ کنگ ءَ بیتگ، گوستگیں چنچو سال اِنت کہ گچک ءَ ھوار پنجگور ءِ آدگہ ھنداں کار ءَ بیتگ۔ اے ٹولی ءِ سروکی ءَ نوں گلام سرور ءِ زھگ اسلام سرور کنگ ءَ بیتگ۔ اے ٹولی ورنایانی نشانگ کنگ، زوریں بیگواھیانی ھواری ءَ پوج ءِ زوراکی ءَ زورگریں پوج ءِ تچک ءَ کمک ءَ بیتگ۔ زورگریں پوج ءِ نیمگ ءَ اے ٹولی ءَ نشہ ءِ بھا کنگ، آوار جنگءُ زر گرگ ءُ راھانی بند کنگ ءُ باجگری ءِ موکل دیگ بیتگ۔
آئی ءَ گوشتگ کہ سرمچاراں بیڑ برگ ءِ میان ءَ چہ گلام سرور ءِ بند ر ءَ سے سی تیری، یک ایم پورے ءُآدگہ سلاھاں ھوار دو گاڑی ءُ سے پرپٹ ھم دستیگ کرتگ۔ اے بندر ءَ چو آزار جاہ ءِ وڑ ءَ کار گرگ ءَ بیتگ اَنت۔ بند ر ءَ کرنٹ جنوک ءُ آدگہ آزار دیوکیں سامان ھم ایر بیتگ اَنت۔
جارکش ءَ گوشتگ کہ دو ماہ پیش چہ پنجگور ءَ ورنائیں زیشان آوار جنگ ءُ پد ءَ شھید کنگ ءَ اسلام سرور تچک ءَ ھوار بیتگ۔ زیشان زھیر ءَ ھوار آدگہ ورنایانی کشندھیں دگہ مردم نشان دیگ بیتگ اَنت۔ آ زوت چو اسلام سرور ءِ وڑ ءَ گڈی آسر ءَ سر کنگ بنت۔
جیھند بلوچ ءَ وتی درشان ءِ گڈی ءَ گوشتگ کہ زورگریں پوجءُ چہ آئی شریداراں بلوچ مھلوک ءِ سر ءَ بیوکیں زوراکیانی ھساب ھر پیم ءَ گرگ بیت۔
