بلوچستان نیشنل پارٹی (بی این پی) ءِ سروک اکتر مینگل ءَ گوشتگ کہ جمئیت المائے اسلام ءِ بنجاھی سروک سردار الی مھمد کلندرانی ءِ زھگ مھمد یوسپ ءَ گوستگیں شپ ءَ پاکستانی ادارھانی کارمنداں آوار جتگ ءُ بیگواہ کرتگ۔
آئی گوشتگ کہ اے اولی ویل نہ اِنت کہ کلندرانی کھول ءِ گون ءَ کنگ بوتگ۔ 2011 ءَ توتک ءَ لشکر کشی ءِ وھد ءَ سردار الی مھمد کلندرانی ءِ سَے زھگ اتیک الرھمان، ھلیل الرھمان ءُ وسیم الرھمان ءَ ھوار سی ءَ گیش مردم آوار جتگ ءُ بیگواہ کرتگ۔
اکتر مینگل ءَ گوشتگ کہ ھزدار توتک ءَ دزکپتگیں مچی مانش داں مرچی ءَ ھما لشکر کشی ءِ یاد ءَ نوک کنت کہ اود ءَ زوربیگواھیں مردمانی لاش کل اَنت۔
