سردار الی مھمد کلندرانی ءَ ماں رسانکدر ایکس ءَ وتی شنگ کرتگیں کلوھے ءَ نبشتگ کہ گوستگیں روچ ءَ چہ کراچی ءَ منی زھگ سردار یوسپ کلندرانی پاکستانی پوج ءَ آوار جتگ ءُ برتگ۔اے اولی ویل نہ اِنت کہ منی کھول ءِ گون ءَ بوگ ءَ اِنت، پانزدہ سال ءَ پیش منی سے زھگ ءُ سی ءَ گیش سیاد چہ توتک ءَ بیگواہ کنگ بیتگ اَنت کہ انگت ءَ بیگواہ اَنت۔
آئی ءَ گوشتگ کہ مرچی ما یکبرے پد ءَ ھمے دردانی اوپار کنگ ءَ لاچار بیتگ ایں۔ چونیں ھم پتے وتی چار زھگانی بیگواھی ءَ اوپار کرت نہ کنت۔
آئیءَ گوں رسانکدر، انسانی ھکانی پھازدار ءُباسمائیں مردماں لوٹ کرتگ کہ منی گونءَ بہ اوشت اَنت ءُ منی زھگاں ھوار پہ درسیں بیگواھیں مردمانی آجوئی ءَ توار چست بہ کن اَنت۔
