بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ ڈاکٹر اسمان کازی ءِ پہ زور گپتگیں گپانی شنگ کنگ گوں ترندیں دانکاں ایر جتگ۔
آئی ءَ گوشتگ کہ ڈاکٹر اسمان کازی ءِ منگی گپانی شنگ کنگ ءَ سکا بژنیگ ایںءُ ایشی ءَ نہ من ایں۔ اے گپ انچیں وھدے ءَ پرماتگ اَنت کہ ڈاکٹر اسمان ءِ وکیل داں آئی ءِ کِر ءَ سر نہ بیتگءُ کیس کنگ ءِ چہ بنیادی ھکاں زبھر کنگ بیتگ۔ پہ زور گپتگیں گپانی ریاست ءِ نیمگءَ شنگ کنگ بدنیتی ءُ رسانکدری تکشام نہ تھنا انساپ ءِ لوٹانی بگیری اِنت بلکیں انسانی ھکانی میان استمانی راھبند ءُ آزاردھی ءِ دارگ ءِ تچک ءَ بگیری اِنت۔
پانک ءَ گوں لس مھلوک ءُ رسانکدر ءَ لوٹ کرتگ کہ ڈاکٹر اسمان کازی ءَ کانود ءِ بنیاد ءَ بے میار بہ لیک اِت، پمشکا کہ آئی سر ءَ جتگیں بھتاماں ھچ وڑیں کانودی راستی نیست۔
