بلوچ راجی آجوئی سنگر (براس) ءِ جارکش بلوچ ھان ءَ ماں رسانکدر ءَ وتی شنگ کرتگیں درشانے ءَ گوشتگ کہ براس ءِ سرمچاراں ترندیں ارشانی درچ ءَ سرجمیں بلوچستان ءَ زورگریں پاکستانی پوج، آئی راشن، رھوتی نزام ءُ ریاستی سروکی ءَ جوڑ بیتگیں کشندہ ٹولی نشانگ کرتگ۔ اے کاروائی چہ دہ اگست ءَ داں پانزدہ اگست ءَ برجاہ بیتگ اَنت اے میانءَ ھپتادءُ یک ارش کرتگ کہ زورگریں پوج ءِ بیست ءُ چار کارمند مرتگ، پنچ کشندہ ٹولی ءِ کارمند جتگ۔
آئی ءَ گوشتگ کہ جتائیں جاھاں سرمچاراں دگ بستگ، بیسیمگ ءَ پوج ءِ بنجل ءَ ھوار سرکاری کارگس ءُ تانہ دستیگ کرتگ اَنت۔ جاھو ءَ گوں کشندہ ٹولی ءِمیڑ ءَ سرمچار ھاسل مراد پنام ساربان بلوچ شھید بیتگ۔
جارکش ءَ گوشتگ کہ یازدہ اگست ءَ جاھو ءِ ھند گجرو ءَ گل ءِ کارےءِ میان ءَ سرمچار ءُ زورگریں پوج ءِ جوڑ کرتگیں کشندہ ٹولی ءِ کارمندانی میڑے بیتگ۔ ھمے جنگ ءَ سرمچار ھاسل مراد پنام ساربان بلوچ شھید بیتگ۔
آئیءَ گوشتگ کہ شھید ھاسل مراد ء مراد بکش جاھو ءِ میتگ چھبی ءِ جاہ منند اِنت 2014 ءَ بی ایل ایپ ءَ ھوار بیتگ۔ چہ ایشی پیش آ سیاسی راھبندے ءَ کار ءَ بیتگ ءُ یک وانندگ ءُ لیکھی سنگتےءِ بستار ءَ زانگ بیتگ۔ کم چہ کم آئی یازدہ ءُ داوازدہ سال ءِ جھد ءَ پہ بلوچ راجی زرمبشت ءَ بے مٹیں دیمونی داتگ۔
بلوچ ھان ءَ درسیں ارشانی زمہ واری من اتگ ءُ گوشتگ کہ ما تچک ءَ گوش ایں کہ زورگریں پوج، آئی چیریں ادارہ، کشندہ ٹولی ءُ آدگہ کمکار کج ءَ ھم بلوچ راجی ھستمان، سرڈگار، مڈی ءُ شرپ ءِ بگیری ءَ کار ءَ اِنت آئیءَ بلوچ گھگیری ءِدیم پہ دیمی کنگ کپ ایت۔ مئے جھد داں سرجمیں آجوئی ءُ وتواکی ءَ برجاہ بیتءُ زورگریں توانمندانی سر ءَ نہ تھنا ارش برجاہ بنت بلکیں گیشتر ترند کنگ بنت۔
