گزه: گوستگیں بیست ءُ چار اَدارانی میان ءَ اسرائیل ءِ اُرشاں 49 پلستینی بیران ءُ 369 مردم ٹپی بیتگ۔
جھانی رسانکدر ءِ رد ءَ گزه ءِ جاندراھی تک ءِ گوشتگ که چه اسرائیل ءِ اُرشانی آسر ءَ تباه بیتگیں ماڈی ءَ 2 پلستینی ءِ لاش دزکپتگ ، ھمے وڑ ءَ چه ورگ ءِ کمی ءُ شُد ءِ سوب یک زھگے ھم بیران بیتگ ، گزه ءَ چه شد ءَ بیران بیتگیں مردمانی کچ 240 ءَ سر بیتگ که اِشانی ته ءَ 107 زهگ هم هوار اِنت۔
گزه ءِ جاندراھی تک ءِ گوشگ اِنت که چه 7 اکتوبر 2023 ءَ که اسرائیل ءِ اُرش بندات بیتگ اَنت داں انوں 61 هزار ءُ 827 پلستینی بیران بیتگ ھمے وڑ ءَ155 ھزار ءُ 275 مردم ٹپی بیتگ۔
