بلوچ ریپبلکن گارڈ( بی آر جی ) ءِ جارکش دوستین بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ بھرگ مجید برگیڈ ءِ سرءَ چہ پاکستان ءِ گپانی بنیاد ءَ امریکی پابندی ھیران کنت۔ امریکہ ءِ وڑیں ڈیھے ءَ زمینی راستی چارگ لوٹ اَنت کہ مجید برگیڈ تھنا بی ایل اے ءِ یک بھرگے نہ اِنت بلکیں سرجمیں زرمبشت ءِ بھر اِنت۔
آئی ءَ گوشتگ کہ بی آر جی گوں تچکیں کلوہ ءَ گوش ایت کہ بلوچ راج 1948 ءَ وتی سرڈگار بلوچستان ءِ سر ءَ پاکستان ءِ درکانودی ءُ زوریں دستیگ کنگ ءِ بگیری ءَ جھد کنگ ءَ اِنت۔ بلوچ گھگیریں گل تھنا بلوچستان ءِ سیمسراں سرگرم اَنت ءُ آیانی مول پہ وتی مڈیانی پھازداریءُ پاکستان ءِ زورگپتی ءِ ھلاس کنگ اِنت۔
جارکش ءَ گوشتگ کہ بلوچ راجءِ یک جتائیں پجارے آئی وتی سرڈگار، زبان، دودمانءُ گوستانکے۔ کسے اے ھک ءَ رد کرت نہ کنت ءُ ھمے ھکانی بنیاد ءَ بلوچ راج ءَ چہ وتی دیمپانی ءُ آجوئی ءِ ھک ءَ زبھر کرت نہ کنت۔
دوستین بلوچ ءَ گوشتگ کہ امریکہ ءَ ھوار میان استمانی تک زمینی راستیاں گوں ھورتی ءَ بہ چار اَنت ءُ بلوچ راجی زرمبشت ءَ گوں ناشرکاری ءَ ھمگرنچ مہ کن اَنت ءُ پاکستان ءِ دستیگ کنگ ءِ بگیری ءَ مئے جھد ءِ پلہ مرزی ءَ بہ کن اَنت۔
