ھیومن رائٹس کمیشن آپ پاکستان (ایچ آر سی پی) ءَ تربت ءَ یک کساں سالیں زھگے ناشرکاری ءِ گر ءُ داریں آمیدگس ءَ پیش کنگ ءِ سر ءَ بژن درشان کرتگ ءُ گوشتگ کہ یک ھشت سالی ئیں زھگے ءَ ناشرکاری ءِ بھتام ءَ آمیدگس ءَ پیش کنگ بژن اِنت۔ زھگ ءِ سر ءَ بھتام جنگ بوتگ کہ آئی انسانی ھکانی یک کارکنے ءِ تامر رسانکدر ءَ شنگ کرتگ۔
ایچ آر سی پی ءَ گوشتگ کہ ناشرکار ی گر ءُ داریں کانود ءَاے وڑ ءَ رد کارمرز کنگ زھگانی ھکانی بگیری اِنت۔
آئی چہ سرکار ءَ لوٹ کرتگ ءُ گوشتگ کہ زھگ ءِ بگیری ءَ درسیں بھتام ھلاس کنگ بہ بنت ءُ ایپ آئی آر پد ءَ چارگ بہ بیت ءُ اے گامگیج زوروکیں زمہ واریں ادارہ جست کنگ بہ بنت۔
