شال: وائس پار بلوچ مسنگ پرسنز ( وی بی ایم پی ) ءِ کمک سرکماش ماما کدیر بلوچ ءِ جاور ناگیگ اَنت پہ الاج کنگ ءَ نادراھجاہ ءَ برگ بیتگ۔
اے بابت ءَ وی بی ایم پی ءِ سرکماش نسر اللہ بلوچ ءَ ماں چاگردی رسانکدر ءَ ماما کدیر بلوچ ءِ اکس شنگ کرتگ ءُ گوشتگ کہ ماما کدیر بلوچ پہ الاج ءَ شال ءِ آرایہ نادراھجاہ ءَ برگ بیتگ۔
چوش کہ ماما کدیر دیر اِنت نادراہ اِنت پیسر ءَ پہ الاج ءَ کراچی ءَ برگ بیتگ اَت ءُ اود ءَ چہ ڈاکٹرانی الاج ءَ کمو گھتر بیتگ اَت ءُ وتی گس ءَ آرگ بیتگ اَت۔ مرچی پد ءَ آئی جاور ناگیگ بیتگ اَنت۔
