شال: گوستگیں شپ ءَ پاکستانی پوج ءَ شال ءِ ھند کلی کمبرانی ءَ بیڑ برتگ ءُ چار مردم آوار جتگ ءُ بیگواه کرتگ۔
بنشون ءِ رد ءَ آوار جنگ بیتگیں مردمانی نام پزل الرھمان کمبرانی ء ابراھیم ، زیاءالرھمان کمبرانی ابدالرشید ، شھرباز بنگلزئی ء ھاجی امام ءُ الی اَزگر کمبرانی ء گلام الی کمبرانی اِنت که آ دوشی ادار دوازده ءُ نیم ءَ چه گساں آوار جنگ ءُ بیگواه کنگ بیتگ اَنت۔
چوش که پزل الرھمان ، زیاءالرھمان ءُ الی ازگر کمبرانی چه ایشی ءَ پیش ھم یکبرے مارچ 2025 ءَ آوار جنگ ءُ اپریل ءَ یل کنگ بیتگ اَنت که آ دوشی یکبرے پد ءَ آوار جنگ ءَ زوربیگواه کنگ بیتگ اَنت۔
