ھزدار ءِ ھند نال ءَ پاکستانی پوج ءَ بیبرگ بلوچ نامیں ورنایے آوار جتگ ءُ بیگواہ کرتگ۔
بنشون ءِ رد ءَ بیگواھیں بیبرگ ء ابدلمالک نال اسد نور مارکیٹ ءِ جاہ منند اِنت کہ پاکستانی پوج ءُ چیریں ادارھانی کارمنداں 30 جولائی ءَ بیگاہ ءِ شش ءَ آوار جتگ ءُ بیگواہ کرتگ۔
زور بیگواھیں بیبرگ بلوچ ءِ بابت ءَ گوشگ بیت کہ سرکاری نوکرے ءُ زور بیگواھیں بلوچ نودربر سروک زاھد بلوچءِ کھول ءِ مردم اِنت۔ زاھد بلوچ گوستگیں یازدہ سال اِنت کہ بیگواہ اِنت آئی برات شاہ جان بلوچ ھم مارچ ءَ نال ءَ بازارءَ کشندہ ٹولی ءِ کارمنداں نشانگ کرتگ ءُ کشتگ۔
