بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچارانی یک گشتی ٹولی یے ءِ سر ءَ 18 جولائی ءَ کولواہ، گشانگ ءِ زرباری کوھاں دژمن ءِ ریاستی کشندہ ٹولی ءِ کارمنداں سنگر گپتگ ءُ اُرش کرتگ۔ ایشی آسر ءَ دژمن ءِ باڑھی کارمند ءُ سرمچارانی میان ءَ دراجیں جنگے بندات بیتگ۔ سرمچاراں سکا گوں جوانیں شوربندی ءَ دژمن ءِ دو کارمند ٹپی کرتگ چہ ایشی دُژمن پد کنز اِتگ۔ سرمچار پہ سلامتی درکپگ ءَ سوبین بیتگ اَنت۔
آئی ءَ گوشتگ کہ بی ایل ایپ ءِ سرمچاراں 22 جولائی ءَ شپ ءِ دو ءَ آواران ءِ ھند تیرتیج، جک ءِ کوہ ءَ پاکستانی پوج ءِ دو چوکیانی سر ءَ گوں مزنیں سلاہ ءُ شوربندی ءَ اُرش کرتگ۔ اے کاروائی ءَ سکا نزیک ءَ شتگ اَنت چہ ایشی دژمن ءِ سنگر سکا تاوان بیتگ اَنت۔ سے پوجی مرتگ ءُ باز ٹپی بوتگ، وھدے کہ پوجیاں چہ شپ ءِ تھاری ءَ وتی سنگر یل کرتگ اَنت ءُ پہ نزیکیں بنجل ءَ شتگ اَنت۔
میجر گھرام ءَ دوئیں اُرشانی زمہ واری منّ اتگ ءُ گوشتگ کہ ھمے کول ءَ کن ایں داں بلوچستان ءِ آجوئی ءَ زورگریں دژمن ءِ بگیری ءَ جنگی کاروائیاں برجاہ دار ایں۔
آئی ءَ گوشتگ کہ بلوچ ورنا چہ دژمن ءِ لڑا ھوار بوگ ءَ ابید گھگیری ءِ سنگراں مھکم بہ کن اَنت ءُ وتی سرڈگار ءِ دیمپانی ءِ کرد ءَ پیلو بہ کن اَنت۔
