شال: بلوچ یکجھتی کمیٹی ءِ نیمگ ءَ زی شال ءِ کمبرانی ءَ بی وائی سی پنجگور ھنکین ءِ زیشان زھیر ءِ یات ءَ ڈیوا بالینگ ءُ زیشان زھیر جھد ستک شانی نَدْر کنگ بیتگ۔
اھوالکار ءِ رد ءَ اے مراگش ءَ بی وائی سی ءِ باسکاں ھوار جنین ءُ زھگ ءُ آدگہ مردماں بازیں کچے ءَ بھر زتگ ءُ زیشان زھیر ءِ اکسانی سرءَ پل شانتگ ءُ دروت ندر کرتگ۔
اے بابت ءَ بی وائی سی شال ھنکین ءِ گوشگ اِنت کہ بلوچستان ءِ سرزمین ءَ ھزارانی کچ ءَ مردم اے وڑیں دردیگیں جاوراں گوزگ ءَ اَنت کہ ھر روچ درکانودی کوش ءِ آماچیں مردمانی لڑ دراجکش بوْان اِنت۔ بلے زیشان زھیر بلوچ ءِ وڑیں بلوچ پسگانی توکل اے گپ ءَ پدر کنت کہ بلوچ راج ھرچ ھال ءَ چکینی ءِ بگیری ءَ چہ جھدءَ دزکش نہ بیت۔
