روس ءَ یکبرے پد ءَ یوکرین ءِ سر ءَ سدانی کچ ءَ ڈرون ءُ میزائل ارش کرتگ۔
یوکرینی سدر وولومیر زیلینسکی ءَ گوشتگ کہ آدینگ ءُ شمبے ءِ میانی شپ ءَ روس ءِ نیمگءَ یوکرین ءِ سر ءَ 597 ڈرون ءُ 26 میزائل ارش کرتگ۔
چہ روس ءِ نوکیں ارشاں یوکرین ءِ روکپتی ھند نشانگ کنگ بیتگ اَنت۔ چہ ارشاں رومانیہ ءِ سیمسر ءِ نزیکیں شھر نیوٹسی ءَ دو مردم مرتگ۔
یوکرین ءِ تھی کارانی وزیر ءِ گوشگ اِنت کہ لويو، لٹسک ءُ شيرنيوٹسی ءَ ابید آدگہ بازیں شھراں چہ روسی ارشاں تاوان بیتگ۔
