شال: بی وائی سی ءِ بنجاھی سروک ڈاکٹر ماہ رنگ بلوچ، سبگت اللہ شاہ جی، بیبگر بلوچ، گپار بلوچ، بیبو بلوچ ءُ گلزادی بلوچ مرچی اے ٹی سی آمیدگس ءَ پیش کنگ بیتگ اَنت، آمیدگس ءَ پہ دہ روچ ءِ ریمانڈ ءَ پولیس ءِ دست ءَ داتگ اَنت۔
پولیس ءَ آمیدگس ءَ گوشتگ کہ آیانی بگیری ءَ ناشرکاری ءِ بھتام ءِ رد ءَ کیس نبیسگ بیتگ پہ آیانی جست ءُ پرس ءَ وھد درکار اِنت۔ گڑا آمیدگس ءَ پولیس ءِ لوٹ ءِ پد ءَ پہ دہ روچ ءِ ریمانڈ ءَ پولیس ءِ دست ءَ داتگ۔
چوش کہ بی وائی سی ءِ سروک ءُ کارکن سے ماہ پیش تھری ایم پی او ءِ پارستءَ دزگیر کنگ بیتگ اَنت۔ مرچی ھمے بابت ءَ ججانی یک ھواریں دیوانے بوگی بیتگ، دیوان لھتیں ادار ءَ پیش اناگت ءَ ایم پی او ءِ پرمان ءَ ھلاس کنگ ءُ اے ناشرکاری ءِ گِر ءُ داریں آمیدگس ءَ پیش کنگ بیتگ اَنت۔
