زیشان زھیر ءِ ناھکیں کوش ءِ بگیریءَ چہ بلوچ یکجھتی کمیٹی ءِ نیمگ ءَ ھاران، نوشکے، چاگے، دالبندین ءُ نوکنڈی ءَ زھرشانی ءُ ھرتال کنگ بوتگ۔
زھرشانیاں بازیں کچے ءَ مردماں بھر زرتگ ءُ آیاں پلے کارڈ ءُ بینر دستاں بیتگ اَنت کہ آیاں ریاستی زوراکی ءُ زیشان ءِ ناھکیں کوش ءِ بگیری ءَ اوگام جتگ۔
آیاں گوشتگ کہ زیشان ءِ پت چہ 2015 ءَ زوربیگواہ اِنت ءُ پہ آئی آجوئی ءَ دلجمی دیگ ءِ جاہ ءَ ریاست ءَ زیشان ءِ لاش چگل داتگ۔ ریاست زوربیگواھیں مردمانی کھولاں انساپ دیگ ءِ جاہ ءَ گوں آیاں زوراکی کنگ ءَ اِنت۔
زیشان زھیر ءِ کوش ءِ بگیری ءَ بی وائی سی ءِ نیمگ ءَ زھرشانیانی در برجاہ اَنت کہ چہ ایشی ءَ پیش گل ءِ نیمگ ءَ پَنجگُور، تُربَت ءُ کراچی ءَ زھرشانی کنگ بوتگ۔
