ڈیرہ بگٹی/ نوشکے: پاکستانی پوج ءَ دو مردم آوار جتگ ءُ بیگواہ کرتگ اَنت۔
چہ ڈیرہ بگٹی ءِ ھند سوئی ءَ بیگواہ کنگ بیتگیں مردم ءِ نام شاہ میر ء شاہ بیگ اِنت کہ آئی سیادے بیران بیتگ آ چہ شال ءَ پہ پرس ءَ سوئی ءَ اتکگ کہ پاکستانی پوج ءَآوار جتگ ءُ گوں وت برتگ۔
انچوش گوشگ بوگ ءَ اِنت کہ چہ شاہ میر ءِبیگواھی ءَ پد پاکستانی پوج ءُ چیریں ادارہ بازیں کچے ءَ زر لوٹگ ءَ اَنت۔
چوش کہ لھتیں روچ پیش چہ سوئی ءَ پاکستانی پوج ءَ پنچ مردم آوار جتگ اَت کہ چہ آیاں یکے ءَ بیست لک گپتگ ءُ یل داتگ، چہ دگہ دو مردم ءَ کروڈ لوٹگ ءَ اَنت کہ آ انگت زندان ءَ بند اَنت۔
ھمے وڑ ءَ چہ نوشکے ءَ پاکستانی پوج ءَ زی بیگاہ ءَ ابدلازیز اھمد پنام میرائے ء گلام پاروک نامیں پٹبالرے آوار جتگ ءُ بیگواہ کرتگ۔ ابدلازیر نوشکے ءِ ھند مل مھمد ھان ءِ جاہ منند اِنت۔
بیگواھیں ابدلازیز ءِ کھول ءَ چہ انسانی ھکانی ادارھاں پہ آئی آجوئی ءَلوٹ کرتگ۔
