تربت: ڈی بلوچ ءَ پہ آبدوئی سیمسر ءِ بند کنگ ءِ بگیری ءَ برجاھیں زھرشانی نندانک ءِ سر ءَ پاکستانی پوج ءَ بیڑ برتگ ءُ چاردہ مردم دزگیر کرتگ۔
بنشون ءِ رد ءَ برجاھیں زھرشانی نندانک ءِ پنچمی روچ ءَ چہ مردمانی لوٹانی گوش دارگ ءَ ابید پوجءُ پولیس ءَ بیڑ برگ ءِ میان ءَ گوں زھرشانی ءَ نشتگیں مردماں زوراکی کرتگءُ لٹءُ کٹ کرتگ اَنت۔ چہ زھرشانی نندانکءَچاردہ مردمانی دزگیر کنگ ءِ ھال اِنت۔
زھرشانی ءَ نشتگیں مردمانی لوٹ ھمیش اَت کہ ابدوئی سیمسر ءِ گوزر راہ پچ کنگ بہ بیت ءُ ما پہ وت ءَ کار ءُ روزگار بہ کن ایں۔ بلے دمگی واکدار پہ آیانی اے لوٹ ءِ منگ ءَ رازیگ نہ بوت ءُ زھرشانی کنوکیں مردم زوراکیانی آماچ کنگ بیتگ اَنت۔
