آواران ءِ ھند مَشکے ءَ پاکستانی پوج ءَ بیڑ برتگ ءُ مردمے آوار جنگ ءَ پد آئی لاش چگل داتگ۔
زرمبش جھگیر ءِ رد ءَ کشگ بیتگیں مردم ءِ نام کادربکش ء ازری اِنت کہ مَشکے ءِ میتگ کھندڑی ءِ جاہ منند اِنت۔ پاکستانی پوج ءُ کشندہ ٹولی ءِ کارمنداں دوشی ادار دو ءَ گس ءَ بیڑ برتگ ءُ آوار جتگ ءُ گوں وت برتگ پد ءَ آئی تیرسپتگیں لاش چگل دیگ بوتگ۔
انچوش گوشگ بوگ ءَ اِنت کہ کادربکش نادراہ بوتگ پوج ءَ آوار جتگ۔ چہ میتگ ءَ کمو دور شتگ آئی لاش چگل دیگ بیتگ۔
کادر بکش چہ ایشی ءَ پیش ھم باز بر ءَ پوج ءِ دست ءَ آوار جنگ ءُ بیگواہ کنگ بیتگ چہ بازیں آزاراں پد یل کنگ بیتگ۔۔
