تمپ:گومازی ءَ کشندہ ٹولی ءِ کارمنداں تیرگواری کرتگ ءُمردمے کشتگ۔
کشگ بوتگیں مردم ءِ نام اپزل ء سبزل اِنت ءُ آ گومازی ءِ جھمنند اِنت۔ کشندہ ٹولی ءِ کارمنداں آ گس ءِ نزیک ءَ لوٹائینتگ ءُ تیرگواری کرتگ ءُ کشتگ۔
کشگ بوتگیں اپزل ءِ لاش ھژدری چار ءُ ٹپاس کنگ ءَ پد کھول ءِ دست ءَ دیگ بوتگ۔
چوش کہ تمپ ءَ چہ پاکستانی پوج ءِ جوڑ کرتگیں کشندہ ٹولی ءِ دست ءَ بازیں ورنا کشگ بیتگ اَنت۔ گوستگیں روچاں چہ تمپ ءِ میتگ کوھاڑ ءَ مردماں کشندہ ٹولی ءِ سے کارمند ھما وھد ءَ دزگیر کرتگ اَت کہ آ تنویر نامیں ورنایے ءِ کشگ ءَ شتگ اِت اَنت۔
