وائس پار مسنگ پرسنز ( وی بی ایم پی ) ءِ سرکماش نسر اللہ ءَ وتی شنگ کرتگیں درشانے ءَ گوشتگ که پاکستانی پوج ءَ آسم ء موسا ھان یلانزئی ءُ اسرار ء پکیر مھمد دوشی ھما وھد ءَ چہ وڈ چاراہ ءِ نزیک ءَ آوار جتگ ءُ بیگواہ کرتگ اَنت کہ چه بازار ءَ وتی گس ءَ روگ ءَ بیتگ اَنت۔
آئی ءَ گوشتگ که کھولانی گوشگ اِنت که آسم ءُ اسرار آوار جنگ ءَ پد بیگواه کنگ بیتگ اَنت ، چه ایشی ءَ پد آیانی ھچ وڑیں ھال نیست که کجام اداره ءَ آوار جتگ اَنت آ چون ءُ کج ءَ اَنت۔
نسرالله بلوچ ءَ آیانی زوربیگواھی ایر جتگ ءُ سرکار ءُ ریاستی ادارھانی سروکاں لوٹ کرتگ که اگاں آسم ءُ اسرار ءِ سر ءَ چونیں بھتامے ھست گڑا آمیدگس ءَ پیش کنگ به بنت ءُ اگاں بے میار اَنت په آیانی یل کنگ ءَ وتی کرد ءَ پیلو به کن اَنت ءُ کھولاں چه سسائی جنجالاں به رکّین اِت۔
