چہ تربت ءَ پاکستانی پوج ءِ دست ءَ بیگواھیں اسماھیل ھیرمھمد ءِ کھول ءَ گوشتگ کہ اسماھیل ھیر مھمد ءَ 15 جنوری 2025 ءَ چہ بھمن تربت ءَ پوج ءَ آوار جتگءُ بیگواہ کرتگ۔ آئی زوریں بیگواھی ءَ شش ماہ سرجم اِنت۔
آئی ءَ گوشتگ کہ ما باز بر ءَ تربت ءِ ڈی بلوچ ءَ زھرشانی ءَ نشتگ ایں، زھرشانی ءُ پریس کانپرنس ھم کرتگ۔ چہ ایشی ابید گوں ڈپٹی کمشنر ءَ گپ جتگ، بلے ھمک رند ءَ گوں دروگیں دلبڈیاں گپءَ ھلاس کن اَنت۔ نوں سرکار سرجم ءَ بے توار اِنت ءُ اسماھیل ءِ بابت ءَ ھچ وڑیں سرپدی دیگ ءَ نہ اَنت آ چون ءُ کج ءَ اِنت۔
کھول ءِ گوشگ اِنت کہ ھمک رند ءَ پہ اسماھیل ءِ بابت ءَ کجام ھم ادارہ ءِ کِر ءَ شتگ ایں گڑا ھچ وڑیں پسو دیگ نہ بیتگ چہ ایشی ءَ ما سکا جنجالانی دیمپان ایں۔
آئیءَ گوں درسیں سرکاری ادارھاں لوٹ کرتگ کہ اسماھیل دیم ءَ آرگ بہ بیت۔اگاں آئی سر ءَ چونیں بھتامے ھست گڑا آمیدگس ءَ پیش کنگ بہ بیت۔ بلے کھول اے پیم ءَ رنجانی آماچ کنگ مہ بیت۔
