وائس پار بلوچ مسنگ پرسن ( وی بی ایم پی ) ءِ سرکماش نسر اللہ ءَ گوشتگ کہ چہ شال ءَ بلوچ نودربر گلام الی زور بیگواہ کنگ بیتگ۔
آئی ءَ گوشتگ کہ کھول ءِ رد ءَ مستونگ کلی دتو ءِ جاہ منندیں نودربر گلام الی بلوچ ء ابدُالھکیم ، 20 جون ءَ پوج ءَ چہ شال، جناہ ٹاؤن ءَ آئی سْیاد ابدلنبی ساسولی ءِ گس ءَ درکانودی آوار جتگ ءُ چیریں بندیگجاھے ءَ برتگ۔
کھول ءِ گوش اِنت کہ چہ انتزامیہ ءِ نیمگ ءَ گلام الی ءِ دزگیری ءَ پد داں انوں ھچ وڑیں ھال دیگ نہ بوتگ۔
نسر اللہ بلوچ ءَ گلام الی ءِ زوریں بیگواھی ایر جتگ ءُ گوں سرکار ءَ لوٹ کرتگ کہ آ بلوچ نودربر ءِ درکانودی دزگیری ءِ سر ءَ دلگوش بہ کنت ءُ آئی کھول ءِ پہ ڈیھ ءِ کانودی رد ءَ انساپ دیگ ءَ زوت وتی کانودی کرد ءَ پیلو بہ کنت۔
