مستونگ: چہ ڈپٹی کمشنر ءِ نیمگ ءَ دگہ دوازدہ لیویز کارمند کشگ بیتگ۔
بنشون ءِ رد ءَ کشگ بیتگیں لیویز کارمندانی نام شادی ھان، دلیل ھان، نیاز مھمد، ابدلھک، کمال اُلدین،مھمد گل، آسپ الی، ابدرھمان، مجیب الرھمان، میرگل، سید ماشوک ءُ نجیب اللہ اِنت۔
ڈپٹی کمشنر ءِ گوشگ اِنت کہ اے لیویز کارمنداں وتی زمہ واری پیلو نہ کرتگ پمشکا کشگ بیتگ اَنت۔
چوش کہ چہ مستونگ ءِ ڈپٹی کمشنر ءِ نیمگ ءَ پیسر ءَ ھم ھژدہ لیویز کارمند کشگ بیتگ اَت۔ نوں کشگ بیتگیں درسیں لیویز کارمندانی کچ سی اِنت۔ اے لیویز کارمند پمشکا کشگ بیتگ اَنت کہ بی ایل ایپ ءِ سرمچاراں 21 جون 2025 ءَ کردگاپ شھر ءَ نادرا کارگس ءُ اسسٹنٹ کمشنر ءِ کارگس ءِ سر ءَ اُرش کرتگ اَت ءُ کارگس مانداشتگ اَنت ءُ اود ءَ ایریں درسیں سرکاری سلاہ ءُ سامان دستیگ کرتگ اَنت۔
