مستونگ: پاکستانی پوج ءِ نیمگ ءَ جتائیں ھنداں لشکرکشی ءُ زوراکی برجاہ اِنت۔
زرمبش جھگیر ءِ رد ءَ پاکستانی پوج ءَ مرچی سھب ءَ مزنیں کچے ءَ مستونگ ءِ ھند کردگاپ ءِ کِر ءُ کشاں لشکرکشی بندات کرتگ ءُ گوں ھندی مردماں زوراکی کنگ ءَ اِنت۔ پاکستانی پوج ءِ چل ءَ گیش گاڑی اَنت۔
انگت ءَ دگہ آوار جنی ءِ ھال نیست اے بابت ءَ مئے گیشیں جست ءُ پرس برجاہ اِنت۔
چوش کہ بی ایل ایپ ءِ سرمچاراں 21 جون 2025 ءَ مستونگ ءِ ھند کردگاپ شھر ءَ نادرا کارگس ءُ اسسٹنٹ کمشنر ءِ کارگس ءِ سر ءَ اُرش کرتگ اَت ءُ کارگس مانداشتگ اَنت ءُ اود ءَ ایریں درسیں سرکاری سلاہ ءُ سامان دستیگ کرتگ اَنت۔
گوں ایشی ھواری ءَ بی ایل ایپ ءِ سرمچاراں داں دیر ءَ جتا جتائیں جاھاں شھدگ ھم بند کرتگ اَت۔
بی ایل ایپ ءِ اے سوبمندیں کاروائی ءَ پد مستونگ ءِ ڈپٹی کمشنر ءَ ھژدہ لیویز کارمند چہ کش اِتگ اَت۔
زانگ بہ بیت کہ بلوچستان ءَ چہ سلاہ بندیں گلانی نیمگ ءَ ھمک وھد ءَ سوبمندیں کاروائیاں پد پاکستانی پوج وتی زوراکیاں برجاہ دار ایت۔
