بلوچ لبریشن آرمی ( بی ال اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں شال ءُ ھاران ءَ دو جتائیں کاروائیاں زورگریں پاکستانی پوج ءِ چریک کشتگ ءُ لٹ ءُ پلی شرکت ءِ مشین مانداشتگ اَنت۔
آئی ءَ گوشتگ که بی ایل اے ءِ سرمچاراں مرچی شال ءَ وھدت کالونی ءِ نزیک ءَ زورگریں پاکستانی پوج ءِ چیریں اداره آئی ایس آئی ءِ چریک بلال آراھی جاه منند لاھور ، پنجاپ اُرشے ءَ کشتگ ، کشگ بیتگیں چریک میڈیکل سپلائر ءِ دروشم ءَ پاکستانی پوج ءِ کمکاری ءَ کنگ ءَ بیتگ ، چریک بلال په پاکستانی پوج ءَ چاریگی ءُ کمکاری ءَ هوار چریکانی گچین کنگ ءَ ھم ھوار بیتگ۔
جارکش ءَ گوشتگ که بی ایل اے ءِ سرمچاراں ھاران ءِ ھند ساروان ءَ لٹ ءُ پلی پروجیکٹ ءَ کارکنوک ، دگ جوڑ کنوکیں شرکت ءِ سر ءَ اُرش کرتگ ءُ درسیں مشین مانداشتگ اَنت ، ایشانی ته ءَ دو ٹریکٹر ءَ هوار دگه سے ٹوھیں مشین ءُ آدگه سامان ھوار اَنت۔
آئی ءَ گوشتگ که ما ھندی ٹیکداراں تچک ءَ کڈن کن ایں که آ چه لٹ ءُ پلی پروجیکٹاں ھوار بوگ ءَ پھریز به کن اَنت اگاں ناں وتی جانی ءُ مال ءِ تاوان ءِ زمه وار وت بنت۔
جیھند بلوچ ءَ درشان ءِ گڈی ءَ اے اُرشانی من اتگ۔
