بلوچ نیشنل موومنٹ ( بی این ایم ) ءَ وتی شنگ کرتگیں درشانے ءَ گوشتگ کہ ڈاکٹر دین مھمد بلوچ یک ڈاکٹرے، بلوچ نیشنل موومنٹ ( بی این ایم ) ءِ پیشیگیں بنجاھی پتر ءِ باسک اِنت ءُ نامداریں سروکے۔ 28 جون 2009 ءَ زور بیگواہ کنگ بیتگ۔ آ پاکستانی پوج ءَ چہ ھورناچ ھزدار ءَ آوار جنگ ءَ پد بیگواہ کرتگ آ انگت ءَ پوج ءِ چیریں آزار جاھاں بندیگ اِنت۔
آئی ءَ گوشتگ کہ 28 جون 2025 ءَ آئی زوریں بیگواھی ءَ شانزدہ سال سرجم بیت۔
جارکش ءَ گوشتگ کہ بی این ایم پہ آئی زوریں بیگواھی ءِ دیم ءَ آرگ ءُ سرپدی دیگ ءَ جتائیں بھرگاں پروگرام برجاہ دار ایت۔ بلوچستان ءَ پاکستانی پوج زوریں بیگواھی ءَ بلوچ راجی زرمبشت ءِ بگیری ءَ یک سلاھے ءِ ھساب ءَ کارگرگءَ اِنت، کہ اے مچی سزا ءِ گنتریں دروشم اِنت۔
آئی ءَ گوشتگ کہ پاکستانی ریاست زوریں بیگواھی ءَ دودے جوڑ کنگ لوٹ ایت دانکہ بلوچ راج ایشی گوں بے تواری ءَ بہ من ایت، بلے اے کدی منگ نہ بیتگ۔ زوریں بیگواھی انسانیت ءِ بگیری ءَ میارباری یے، میان استمانی ادارہ پاکستان ءُ آئی لشکری ادارھاں اے میاباری ءِ سر ءَ جست بہ کن اَنت۔
جارکش ءَ گوشتگ کہ اے روچ ءِ درگت ءَ بی این ایم وتی باسک، دوزواہ ءُ انسانی ھکانی ادارھانی گون ءَ لوٹ کنت کہ آ #DrDeenMohammadBaloch ءُ #StopEnforcedDisappearances
ھیشٹیگ ءَ کارمرز بہ کن اَنت۔
