بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں مستونگ ءُ کلات ءَ دو جتائیں اُرشاں زورگریں پوج نشانگ کرتگ ءُ تاوان داتگ. اے کاروائیاں چیر کرتگیں شورھانی تراک ءُ سلاه بندیں اُرشانی ھوار اَنت.
آئی ءَ گوشتگ که دوشی مستونگ ءِ ھند اسپلنجی ، مرو کنڈ ءَ زورگریں پاکستانی پوج ءِ کاروان ھما وھد ءَ سنگر گپتگ ءُ نشانگ کرتگ که آ په زوراکی ءِ نیّت ءَ لشکرکشی ءِ جھد ءَ بیتگ اَنت. سرمچاراں گوں وتکاریں سلاھاں اُرش کرتگ ءُ زورگریں پوج ءِ سے کارمند کشتگ که باز ٹپی بیتگ۔
جارکش ءَ گوشتگ که ھمے وڑ ءَ بی ایل اے ءِ سرمچاراں کلات ءِ ھند جوھان ، مکی ءَ زورگریں پاکستانی پوج ءِ بمب چاروکیں ٹولی ءِ پیادگیں کارمند ھما وھد ءَ گوں چیر کرتگیں شورھاں نشانگ کرتگ اَنت که بمب درگیجگ ءَ دزگٹ بیتگ اَنت ، تراک ءِ آسر ءَ زورگریں پوج ءِ سے کارمند ءَ گیش مرتگ ءُ یکے سکا ٹپی یبتگ۔
جیھند بلوچ ءَ درشان ءِ گڈی ءَ اُرشانی زمه واری من اِتگ۔
