تربت: اومری کھن ءَسی پیک دگ ءَ زور بیگواھیں گلام جان ءِ کھول ءِ نیمگ ءَ َ آئی یل نہ کنگ ءِ بگیری ءَ مرچی سیمی روچ ءَ زھرشانیءَ دگ بند بیتگ۔
زھرشانی نندانک ءَ اے وھد ءَ ھندی مردم بازیں کچے ءَ ساڑی اَنت کہ آیانی تہ ءَ کسانیں زھگ ءُ پیرزال ھم ھوار اَنت۔ زھرشانی کنوکیں مردماں زور بیگواھیں گلام جان ءُ آدگہ بیگواھیں مردمانی اکس گوں اِنت ءُ آیاں زوریں بیگواھیءِ بگیری ءَ اوگام جتگ ءُ بیگواھیں مردمانی یل کنگءِ لوٹ کرتگ۔
زھرشانی کنوکیں مردمانی گوشگ اِنت مرچی مئے زھرشانی ءِسے روچ گوزگ ءَ پد ھم انگت ءَ پہ مئے لوٹانی منگ ءَ چہ انتزامیہءِ نیمگءَ دلجمیں گامگیج زورگ نہ بیتگ۔ دانکہ گلام جان آجو نہ بوتگ ما وتی زھرشانی ءَ برجاہ دارایں۔
