بلوچ لبریشن آرمی (بی ایل اے) ءِ جارکش آزاد بلوچ ءَ ماں رسانکدر ءَ وتی شنگ کرتگیں درشانے ءَ کلات اُرش ءِ زمہ واری من اِتگ ءُ گوشتگ کہ ھپت جون ءِ شپ ءِ ادار نوہ ءَ مئے سرمچاراں کلات ءِ ھند شیکڑی ءَ پاکستانی پوج ءِ چوکی ءِ سر ءَ گوں راکٹ ءُ آدگہ ٹوھیں سلاھاں اُرش کرتگ۔
آئی گوشتگ کہ میڑ داں دیر ءَ برجاہ بوتگ۔ چہ ایشی ءَ پاکستانی پوج ءِ سَے کارمند مرتگ ءُ سَے ٹپی بوتگ۔ اُرش ءَ پد پہ مرتگیں کارمندانی لاشانی چست کنگ ءَ پاکستانی پوج ءِ کارمند مزنیں کچے ءَ جنگجاہ ءَ آتکگ اَنت۔
جارکش ءَ گوشتگ کہ بی ایل اے، اے جنگ ءَ داں بلوچستان ءِ آجوئی ءُ وتواجھی ءَ برجاہ دارگ ءِ کول کنت۔
