بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 5 جون ءِ شپ ءِ ادار یازدہ ءُ پنجاہ ءَ بی ایل ایپ ءِ سرمچاراں گْوادر ءَ ٹی ٹی سی کالونی ءَ پاکستانی چیریں ادارہ (ایم آئی) ءِ کارمندانی اڈہ ءِ سر ءَ ھما وھد ءَ دستی بمب اُرشے کرتگ کہ دو کارمند وتی اڈہ ءِ دیم ءَ اوشتوک بوتگ۔ اُرش ءِ آسر ءَ دوئیں کارمند ٹپی بوتگ اَنت۔
آئی گوشتگ کہ انٹیلی جنس ءِ اے کارمند ایم آئی ءِ سروک ھیدر ءِ سروکی ءَ دمگ ءَ کارپینٹر ءِ دروشم ءَ نشتگ اَنت، کہ دمگ ءَ نیٹورکنگ کن اَنت ءُ ورنایاں (بلیک میل) کن اَنت ءُ آیاں پہ چاریگ جوڑ بوگ ءَ لاچار کن اَنت۔
جارکش ءَ گوشتگ کہ 4 جون ءَ یک دگہ کاروائی یے ءَ بی ایل ایپ ءِ سرمچاراں نیمروچ ءِ ادار دوازدہ ءَ جاھو ءِ ھند بارگین گزی ءَ دژمنیں پوج ءِ راشن بروکیں یک گاڑی یے گوں ساماناں ھوار دستیگ کرتگ ءُ ڈرائیور کڈن کنگ ءَ پد یل داتگ۔
آئی گوشتگ کہ مرچی یکبرے پد ءَ ما رسانکدر ءِ کمک ءَ بلوچستان ءِ درسیں گاڑی واھنداں کڈن کن ایں کہ آ زورگریں پاکستانی پوج ءِ کمک کاری ءَ یل بہ کن اَنت۔ اگاں نا گڑ ءَ وتی جان ءُ مال ءِ تاوان ءِ زمہ وار وت بہ اَنت
میجر گھرام ءَ وتی درشان ءِگڈی ءَ گوادر ءَ ایم آئی کارمندانی اڈہ ءِ سر ءَ دستی بمب اُرش ءُ جاھو ءَ زورگریں پاکستانی پوج ءِ راشنانی دستیگ کنگ ءِ زمہ واری من اتگ۔
